男女感情心得 － 男女角度的差異

今天是情人節，願天下有情人快 D 拉埋天窗，早日結婚生仔！
趁著今天是情人節，和大家分享一下我對男女感情的看法。

男對女及女對男的看法完全不同，而據我的客人統計所得，大部份的女性都說沒有被追求的機會，而很多男性都會在得手之後厭倦，過了一段時間就發覺很沉悶了。為甚麼會有這個現象呢？

有很多女客人對我說，她們都不會作主動，我就對她們說，如果不主動就沒有了。因為現時女多於男，根本男仔就不夠分，如果還抱有二十年前的想法，想著會有男孩子主動約會的話，除非自己本身很標青，否則一般情況下是不會的。再者，女性會抱有一種比較穩陣的心態，當有男孩子表態追求的話，她們都會很仔細地考慮，然後不斷將要求提高，想很多理由給自己不再進一步。這些就是扲持吧！女孩子總覺得主動不太好，大快發展又不太好，總會給一個時間表給自己。

男仔都是很怕麻煩的。以前可能都會用心追求，"追女套餐" 一定做足。送花，送禮物，送回家，每天打電話；但現時，我想如果有個男仔在街上大叫 "未拍拖既請在這裏排隊！" 我想不出十秒鐘排到成條街都係。

所以，現時女仔如果想有拖拍，就要放低要求，只要有男仔係自己鐘意，就馬上作出暗示明示，男仔多是被動，如果有女仔追，除非自己已有老婆或女友，否則多數都會答應的，因為 "睇下點，無乜所謂既" 想法，令到男仔都會沒有太大所謂的。但出來之後的發展如何，就要看女方的本事了。

我有很多女客人都很漂亮，人性格也極好，就是沒有拖拍，因為她們都很被動，都在期待有男仔來追的一日；但現時世界已變了，現實之中這種情況真是少之又少！

至於男仔方面，據黎睇我既客人同朋友既統計，十個有九個都有拖拍，剩番果個只係自己唔拍，所以基本上而家做男仔都好穩陣！

而男仔既現象，係如果有女仔主動追求既話，除非有家室或有女朋友，否則點都會秤高多少，除非果個女仔自己真係好唔鐘意，否則一般情況底下男仔都會欣然赴會，也會有男仔覺得自己好有吸引力，嘩，有女仔追喎，自己仲唔係好有吸引力？

男仔係呢個時候，就會不停的降低自己既擇偶要求，以一個似乎合理既解釋令自己鐘意Ｄ主動埋黎既女仔。即使後來係唔鐘意都好（好多男仔客人都同我講拍拖後就好唔鐘意），起碼都發展左先，所以亦因為咁樣而會有不愉快既事情發生。

男仔唔追女仔，係因為無勇氣；但當有女仔主動追求，佢自己就會降低要求。女仔唔追男仔，係因為覺得呢個世界唔係咁；當佢意識到呢個世界真係咁既時候，自己的條件已經低得無可再低了。

所以，身為女仔既你如果無拖拍，就要主動，令自己有番桃花運；身為男你既你，如果有女仔追求，你就要諗清楚，自己係咪真係鐘意，否則拍拖以後才發覺自己唔係咁適合而分開既話，對雙方都唔係幾好。

再祝大家情人節快樂！

http://hk.myblog.yahoo.com/master-dragon/article?mid=2449