一 棒 入 黑 洞

出 席 「 理 柏 香 港 基 金 年 獎 2009 」 頒 獎 禮 ， 碰 到 好 多 基 金 經 理 ， 亦 遇 上 監 管 機 構 人 士 。 恭 喜 得 獎 人 之 餘 ， 順 口 問 監 管 人 士 ： 「 你 有 冇 買 呢 得 獎 基 金 呀 ？ 」 監 管 人 答 ： 「 我 唔 可 以 買 香 港 基 金 ， 更 唔 可 以 買 香 港 股 票 ， 咁 先 至 係 合 規 行 為 。 」 香 港 大 機 構 對 合 規 （ compliance ） 素 來 睇 得 好 嚴 ， 監 管 人 之 言 ， 當 然 可 信 。 左 丁 山 多 口 再 問 ： 「 唔 買 得 香 港 股 ， 恭 喜 晒 ， 我 買 入 豐 ， 以 為 好 穩 陣 ， 點 知 道 會 輸 足 七 成 有 多 ！ 」 監 管 人 苦 笑 回 答 ： 「 但 我 可 以 買 美 國 股 票 呢 ， 無 謂 多 講 咯 。 」

嘩 ， 買 美 國 股 票 ？ 隨 時 輸 得 更 慘 。 在 美 國 讀 書 / 做 事 朋 友 ， 返 香 港 後 ， 如 買 美 國 股 作 長 期 收 息 之 用 ， 銀 行 股 一 定 買 花 旗 、 美 銀 ， 保 險 股 一 定 買 AIG ， 科 技 股 一 定 買 IBM 、 蘋 果 、 微 軟 呢 類 ， 不 幸 偏 重 金 融 股 話 ， 輸 到 眼 光 光 都 似 。 問 曹 Sir 如 何 解 救 ， 曹 Sir 話 ： 「 呢 排 唔 少 朋 友 講 兩 個 體 育 名 詞 ， 一 個 係 保 齡 球 之 strike （ 全 中 ） ， 一 個 波 碌 落 去 ， 十 瓶 全 中 也 。 一 個 係 高 爾 夫 球 之 一 棒 入 洞 內 hole in one 。 一 老 友 買 銀 行 股 ， 以 為 夠 保 守 ， 但 買 入 股 份 係 瑞 銀 、 美 銀 、 花 旗 、 蘇 皇 、 豐 ， 咁 就 全 中 ， 三 振 出 局 （ strike out ， 棒 球 術 語 ） ； 又 有 保 險 界 資 深 人 物 ， 一 世 人 只 買 一 隻 AIG ， 幾 十 年 來 覺 得 好 甜 ， 點 知 呢 勻 跌 入 一 個 大 黑 洞 ， 正 宗 hole in one 。 死 未 ？ 」

坊 間 流 傳 ， 保 險 界 大 老 擁 有 二 百 萬 股 AIG ， 兩 年 前 仲 做 緊 七 十 幾 美 元 ， 以 七 十 五 元 計 算 ， 總 值 一 億 五 千 萬 美 元 ， 近 十 一 億 七 千 萬 港 紙 ， 五 代 花 不 完 。 但 最 新 股 價 只 係 三 十 五 美 仙 ， 總 值 剩 番 七 十 萬 美 元 ， 約 五 百 四 十 六 萬 港 元 ， 唔 夠 大 老 平 時 做 善 事 捐 款 之 用 ， 咪 話 唔 傷 也 ， 投 資 真 係 要 切 戒 hole in one ， 如 果 我 只 一 隻 穀 種 股 豐 ， 神 話 幻 滅 了 ！ 要 再 諗 過 。

隔幾日吃 午 飯 ， 有 一 位 老 前 輩 在 ， 與 佢 講 起 AIG 之 慘 況 ， 佢 話 ： 「 我 都 中 招 ， 我 以 前 落 五 萬 股 AIG ， 平 均 價 五 十 美 元 左 右 ， 見 佢 跌 到 落 五 美 元 ， 把 心 一 橫 ， 買 多 五 萬 股 ， 點 知 再 跌 落 五 毫 子 ， 於 是 買 多 二 十 萬 股 ， 當 係 拉 斯 維 加 斯 輸百家樂 。 唉 ， 竟 然 又 會 跌 到 三 毫 半 ， 服 咯 服 咯 ， 以 後 唔 敢 再 掂 咯 ！ 」

(左丁山)
電郵： mcwriter@appledaily.com
(2009.03.07 appledaily)