緊縮經濟學：決定買樓要計數

置業──相信是普羅大眾一生最大投資，不過樓價動輒數百萬，要供樓就要慳住使，退休、儲育基金甚至度假等人生大計，都會因為要供樓而需作出調整，所以一定要仔細計劃。首先搵屋前，必須決定到底要租抑或買？如選擇租屋，麻煩問題會較少，只要樓宇合心水，租金合理，便可隨時搬入，亦可隨時搬走。租客又不用為維修保養傷腦筋，最重要是，你的血汗錢仍在自己的口袋，而不是投資在物業上。

格按息計供款

不過，如果想置業，就要諗清楚自己可否長期供款。按揭供款最好低於收入28%，而且買樓屬重要投資，物業價值會影響回報。此外，買樓不只要計算首期，其實尚有很多雜費，例如經紀佣金及釐印費等，約佔樓價2至3%。當然，仲要計埋搬屋、裝修、火險及添置家具電器等開支。決定地區及單位後，建議準業主到附近走走，搜查區內校網、治安情況、未來發展項目及正在興建中的設施等，因這些元素可左右樓價，不可掉以輕心。最後，應到各銀行及按揭轉介公司查詢按揭息率，現時一般實際按息由3.25至4厘不等。